Plantun de Prouvènço

Pèr coumpara dos planto d'encò nostre

Globularia vulgaris & Campanula rotundifolia subsp. rotundifolia

Globularia vulgaris

Plantaginaceae Globulariaceae

Nom en français : Globulaire commune.

Descripcioun :
La poumpareleto-coumuno, pas tant coumuno que sa cousino, Globularia bisnagarica, trachis dins li pinèdo e tepiero sus argielo o sablo douloumitico. Se recounèis à si fueio basalo espatulado emé gorgo, picoutado de cauquié e merletado. Li flour soun tambèn eici pu longo. Coumpara emé la poumpareleto que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Globularia
Famiho : Plantaginaceae
Famiho classico : Globulariaceae

Ordre : Lamiales

Coulour de la flour : Bluio
Petalo : 5
Ø (o loungour) enflourejado : 1,5 à 2,5 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Tepiero - Pinèdo - Relarg à jóuinis aubret
Estànci : Mesoumediterran à Coulinen
Couroulougi : Eurimediterrano-Nord-Ouèst
Ref. sc. : Globularia vulgaris L., 1753

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.